“Suwat kang Manny” ni: Jayson E. Parba

Do Manny,

Usa ko sa imong mga pans.

Idol ta gyod kaayo ka, Do. 

Sa tinuod lang, way bokser nga makatupong

sa imong kahanas sa boksing.

Kusog pa kas daluglog.  Paspas pas kilat.

More pa!

Nagsuwat ko nimo, Do kay di na gyod nako kaya

ang mga panglibak ug pangpandaot

diha sa radyog telebisyon.

Matod pas mga balita,  babaero daw ka!

Ang uban pod, nag-ingon nga pataka lang daw kag inenglis.

Naa poy mga tabi nga modagan kag pagka presidenti!

Yawa ra!

Ang sa ako lang ba, Do Manny,

mas daghan ming gamahal nimo. 

Mamatay pa ko ron!

Ug bisag tinuod man gani na sila, pans lang gihapon ko nimo.

Para kanako, daghan man gyod mag apas nimo kay hitsuraan pod baya ka, Do. 

Sa akong tantu-tanto, kanang imong bigote ang imong asset. 

Lami man god daw nang giluk-gilok!

Ug in fernis, Do.  Maayo na man ka kaayo mag inenglis!

Spiking ob wits, mas maayo pa man gani ka nako.

Dihang gi interbyu ka sa TV, gidat-ul ko kining akong dunggan

sa spiker aron maklaro ka.  And I therefore concluded, you sound beri good!

Lahi ra gyod ning maka coach og Amerkano, noh? 

So Do Manny, banati nag inenglis kanang gapandaot nimo.

Wat do you care?  Ingna na sila, carefree! Ana ra na!

Pero Do Manny, igo na nga sikat kas boksing.   

Limpyo sama sa imong nawong adtong imong giirok si Cotto.

Ang pulitika man god, Do Manny, hugaw.

Sama sa baba ni Mayweather nga giingnan kag midget ug bayot.

Siya ra siguro!  Kon madayon gani inyong pight,

Patilawa ra god nas imong lept ug right hook combination

Aron makakita nang anuosag uk-ok sa iyang kalimutaw.

Going back to politiks, Do Manny, igo na nga congressman ka.

Ayaw og palabi.  Imong gwapang asawa karon modelo na ni Belo.

Imong mamag papa wa na galisod,

lakip imong tibuok banay nga tig-ihap sa imong kwarta.

Ang imong mga anak, pastilan!

Artistahon kaayo!  Liwat gyong mommy Dionisia.

In short, Do, you hab ebrithing in dis world. Money. Fame.  Power.  Pamily.

P.S.  naa kay extra diha, Do?  Bisan god ug imong patantohan.  Dyis mil lang.

Imong pans,

Inday Sebya Daplin

Sityo Ki-anus, Barangay Kili-og, Pilippins

First Draft: 11/25/10 (11:00am)