Joy, pastilan! Wa gyoy gadahom
sa atong barkada nga
makatungtong kas laing nasod.
Kabawo ko nga putot lang gihapon ka,
apan musta na man ka diha?
Dili ba hadlok diha sa imong gianhaan?
Matod pas mga balita,
kuyaw man daw manarbaho
kon ang amo mga Arabo.
Pastilan , Joy.
Gamay ra ba kaayo kang bayhana ka.
Pagbantay-bantay gyod dinha.
Matod pos mga balita,
ang mga Arabo, manyakis.
Bisan gani laki basta dili gaputos, repon!
Mao na ikaw, pagbantay.
Dagko pod ra ba daw na silag bunal!
Na, unsaon na lang?
Kon ako imong pangumustahon,
Nia, minero lang gihapon.
Apan sosyal na dinhis atoa. Naa nay internet.
Ang mga tao ,adik na kaayos facebook ug youtube.
Ti-a muna, bisan mga minerog tambay,
kabawo na mo chat ug post og shout out!
Ang mga babaye, sigeg pangitag Negro
or Amerkanong guwang ba kaha nga maka-chatmate.
Namasin. Basin diay makabingwit.
Tuod, nagkitaay mi sa atong mga klasmeyt
sa high school adtong pasko.
Kabawo ba ka nga si Nimfa ,
kadto bitawng klasmeyt nato nga arte ayos una?
O, katong kusog kaayo mag make-up,
karon, lima na kabuok iyang anak. Pwerting lusyanga!
Matod pang Badong nga pastor na karos Iglesia,
mura na kuno siyag si Minga nga iyang mama.
Gipaspasan og ayos iyang bana!
Ug si Bubbles nga halos puro ngipon ang nawong, minyo na.
Dili na Silaw iyang apelyido. Wakwak na. Pastilan!
Wa gyod nangitag laki nga mas maayog apilyedo.
So karon, dili na lang Buta, Epis, ug Bayot
ang ngil-ad nga apilyedong naa sa atong grupo,
naa na poy Wakwak!
Mao nga ikaw Joy, pangita dihag laking maayog apilyedo.
Bahalag dakog bunal basta ang apilyedog ngan
dili law-ay sa babag dunggan.
P.S. ga-i nya kog ka-chat, ha? Basin diay naay mamords nga babeng Arabo dinha.
Imong fren,
Apyot (Efren Pulpog)
First Draft: 11/24/10 (10:45am)
No comments:
Post a Comment