“Suwat Kang Pilemon” (Alang sa akong mga Nautical nga mga estudyante)
ni Jayson E. Parba
Dong Pilemon,
Niambak sa bintana ang akong kalipay
sa imong gibalitang dagko imong grado.
Ang imong tatay gibayaw sa langit
Samtang ang iyang huyang nang lawas
Nikisi-kisi sa kadasig. Tank gad!
Dong Pilemon, padayog tuon.
Pagkugi sama sa atong silingang si Bukad
nga karon siman na. Hastang kuyawa!
Iyang mama, donya na.
Masanghiran pod unta tas swerte, no?
Purya buyag!
Sa imong pagpaningkamot, Do Pilemon,
hinumdumi inyong pawnder.
Katong ginganlan nilag madam, ba?
Nga sa mga panlupig sa panahog kapalaran,
nalig-on samas dyamante.
Matod pas mga balita, siya manggihatagon,
matinabangon. Dakog kasingkasing.
Ayaw palupig sa mga pagsuway, Do.
Palayos barkada. Likayi ang disco.
Himoa imong mga pradyek. Sama adtong una,
dota ba toy ngan, do, o mafia?
Pastilan, medyo mahal gyod tong pradyeka!
Igo rang halins hiniktang natong si Kikay!
Ug do Pilemon, bepor we said godbay,
Dal-i nya kog litratong madam, ha?
Sa tinuod lang, iya man god kong pans.
Lakip si Tatay mong dili makalimot
sa bronseng istatuwang nipatik sa iyang
maayong binuhatan.
P.S. Do Pilemon, paningkamuti nga kining imong 3.0 mahimong 5.0. Sayang pod. Dos na lang ang kulang.
---------------
(Enters Constancio. Sits beside Pilemon as the latter gets up, moves left and is in deep thought.)
Pilemon: Matay, ma guilty man sad tang Nanay.
Constancio: Aw, dapat lang gyod. Ikaw ba, stop telling lies. Be honest to your parents.
Pilemon: Lagi, bay. Morag magbag-o na gyod ko, bay. Lahi ra man god ning wa tay tagoan. Matod pa nila, “Honesty is the best!”
Constancio: Haha! Amew! Unsay honesty is the best?
Pilemon: Aw, rong diay to, bay?
Constancio: Honesty is the best policy. Mao nay sakto.
Pilemon: Aw diay?
Constancio: Mao bia nang gitudlo sa ‘tong eskwelahan. Matod pas maestro nakos pilosopi nga si Prof Macabinlar, you cannot be a total person if you’re not honest.
Pilemon: Aw, husto pod. I am agree with you.
Constancio: Unsa? Na! mao na ni ron. Pagtarong lagig eskwela, bay, para daghan kag makat-onan. Dapat, I agree with you.
Pilemon: Aw! Lagi, bay. Magbag-o na gyod ko.
Constancio: Kana!
Pilemon: Sakto gyos Nanay. Maningkamot aron makat-on.
Constancio: Good. Mao pod nang gibuhat ni Madam adtog estudyante pa siya. If wala pa siya naningkamot ug nagtarong, wala unta ning atong eskwelahan ron. Can you imagine that?
Pilemon: No, bay. I can imagine, not. I mean, dili gyod.
Constancio: Pag sure, bay uy! (laughs)
Pilemon: Taymsa, nakahinumdum ko nga foundation day man diay ron sa CU, no?
Constancio: That’s right.
Pilemon: Bantog rang daghan tawo (looks at the audience). Bibo pod.
Constancio: Unsa man? Join ta?
Pilemon: Aw, syempre! Taga CU bia ta. And am proud to be a Stallion!
Constancio: Capitolian, bay.
(The two characters are heard still debating as they exit.)
Pilemon: Taka. Stallion uy.
Constancio: Capitolian lagi. Gahig ulo.
Pilemon: Kinsay ingon?
No comments:
Post a Comment